Hotel "Dubrovnik" urušio se jutros u argentinskom gradu Vila Gesel i hitne službe trenutno tragaju za nestalima ispod ruševina.
Mediji navode da je u pitanju zgrada od deset spratova u kojoj je bio smješten i hotel.
Navodno se prilikom rušenja srušila i susjedna zgrada. Prema riječima gradonačelnika Gustava Barerasa, nestalo je između sedam i devet osoba, prenio je La nacion.
Nesreća se dogodila u hotelu "Dubrovnik", koji je star 38 godina.
Na mjestu nesreće angažovano je oko stotinu vatrogasaca iz okolnih gradova.
Ministar bezbjednosti Havijer Alonso potvrdio je da se na mjestu nesreće nalazi 180 stručnjaka hitne pomoći.
Prema informacijama, četiri osobe, za koje se vjeruje da su radnici, uspjele su da pobjegnu u trenutku rušenja.
Svjedoci su opisali da su osjetili vibraciju prije nego što se zgrada srušila.
Uzrok rušenja još uvijek nije poznat, a zgrada je ranije imala problema sa dozvolama za rad.
